06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Yandex-ը համաձայնել է yandex.kz տեղական տիրույթի սերվերները Ղազախստան տեղափոխելուն
Քաղաքականություն
21.08.2023 | 21:27
Yandex ընկերությունը պատրաստվում է yandex.kz սերվերները տեղափոխել Ղազախստան: Այս մասին հայտնում է Nur.kz-ն՝ վկայակոչելով Ղազախստանի Թվային զարգացման, նորարարության և օդատիեզերական արդյունաբերության նախարարությանը։
Մի քանի օր առաջ երկրի իշխանությունները հանդիպել են Yandex-ի ներկայացուցիչների հետ՝ քննարկելու Ղազախստանի քաղաքացիների անձնական տվյալների պաշտպանության, ինչպես նաև այս երկրի տարածքում սերվերների տեղադրման հարցը։
«Որպես գործընկերության և ազգային թվային ռեսուրսների ամրապնդման ցանկության մաս՝ Yandex-ը հաստատել է իր պատրաստակամությունը շարունակելու աշխատանքը yandex.kz տիրույթը սպասարկող սերվերները երկիր տեղափոխելու ուղղությամբ, այդպես արդեն արվել է Yandex Go ծառայության համար»,- հայտարարել են Ղազախստանի Թվային զարգացման գծով նախարարությունից։
Օգոստոսի 9-ին Ղազախստանի իշխանությունները մի քանի ժամով սահմանափակել էին տեղական Yandex տիրույթի հասանելիությունը՝ կապված այն բանի հետ, որ սերվերները գտնվում են երկրից դուրս։
