24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Պուտինն ու Էրդողանը չեն հանդիպի օգոստոսին․ Թուրքիայի նախագահը սեպտեմբերին հանդիպման հույս է հայտնել
Քաղաքականություն
21.08.2023 | 18:37
Թուրքիայի նախագահ Ռեջեփ Թայիփ Էրդողանը հույս ունի սեպտեմբերին հանդիպել ՌԴ նախագահ Վլադիմիր Պուտինի հետ՝ հացահատիկային գործարքը քննարկելու համար, գրում է Anadolu-ն։
«Սեպտեմբերին Հնդկաստանում տեղի կունենա G-20-ի հանդիպումը, ԱՄՆ-ում նախատեսված է ՄԱԿ-ի Գլխավոր վեհաժողովի նիստ, մենք պարոն Պուտինի հետ կքննարկենք (հացահատիկային գործարքը), եթե նման հնարավորություն է ստեղծվի խիտ գրաֆիկի պատճառով»,- ասել է Էրդողանը։
Թուրք առաջնորդն անդրադարձել է «հացահատիկային գործարքի» դադարեցումից հետո ուկրաինական նավահանգստից դուրս եկած առաջին նավին, որը հատել էր Ստամբուլի նեղուցը։
«Այս նավը, որը դուրս է եկել Ուկրաինայից՝ Օդեսայից, հացահատիկ փոխադրող չի եղել, այն կոնտեյներ է եղել, համապատասխան հայտարարություն է արել նաև մեր Ազգային պաշտպանության նախարարությունը։ Այստեղ պարոն Պուտինի հետ հեռախոսով մեր զրույցների հիմնական նպատակն է՝ հասնել Ռուսաստանի դրական դիրքորոշմանը հացահատիկային միջանցքի հարցով»,- պարզաբանել է Թուրքիայի ղեկավարը։
Էրդողանը հայտարարել է նաև Թուրքիայի արտգործնախարար Հաքան Ֆիդանի՝ մոտ ապագայում Ռուսաստան այցի մասին։
«Կարևոր է դեմ առ դեմ քննարկել այդ հարցը, այս կերպ հնարավոր կլինի շատ ավելի ճշգրիտ արդյունք ստանալ»,- ընդգծել է Էրդողանը։
Նա նաև նշել է, որ Անկարան ջանքեր է գործադրում Ռուսաստանի և Ուկրաինայի միջև խաղաղ բանակցությունների հասնելու համար։
Իր հերթին, ռուսական ՏԱՍՍ գործակալությունը, հղում անելով սեփական աղբյուրներին, հայտնում է, որ դեռևս հստակություն չկա Էրդողանի և Պուտինի անձնական բանակցությունների վերաբերյալ, որոնք նախատեսված էին օգոստոսին։
