ՌԴ ԱԻՆ ղեկավարի կինը ներգրավված է ուկրաինացի երեխաների՝ ՌԴ տեխափոխման գործում

ՌԴ նախագահ Վլադիմիր Պուտինի նախկին թիկնապահ, Արտակարգ իրավիճակների նախարարության ներկայիս ղեկավար Ալեքսանդր Կուրենկովն ամուսնացած է ուղղափառ ակտիվիստ, Անհետ կորած և վիրավորված երեխաների օգնության ազգային կենտրոնի հոգաբարձուների խորհրդի նախագահ Ելենա Միլսկայայի հետ։ Նրա հետ կապված կառույցները հարյուր միլիոնավոր ռուբլի են ստացել ԱԻՆ-ից, ինչպես նաև մասնակցել են Ուկրաինայից երեխաներին բռնի հեռացնելուն։ Տարբեր փաստաթղթերի և աղբյուրների հղում անելով՝ այս մասին գրում է «Պրոյեկտ»-ը։

Ելենա Միլսկայան «Հրեշտակապետ Միքայել» հիմնադրամի նախագահն է և «Սուրբ Վասիլի Մեծ» հիմնադրամի նախկին գլխավոր տնօրենը։

«Պրոյեկտը» փաստաթղթեր է գտել, որոնք հաստատում են Կուրենկովի և Միլսկայայի ամուսնությունը, սակայն զույգը չի հանրայնացնում հարաբերությունները։ Կուրենկովի՝ 2022 թվականին ԱԻՆ ղեկավարի պաշտոնում նշանակվելուց երկու ամիս անց նախարարն իր գերատեսչության անունից պայմանագիր է ստորագրել Միլսկայայի Անհետ կորած և վիրավորված երեխաներին աջակցության ազգային մոնիթորինգի կենտրոնի հետ համագործակցության մասին, որից հետո ՀԿ-ն ստացել է ուղղակի բյուջետային ֆինանսավորում՝ 600 միլիոն ռուբլու չափով, գրում է «Պրոյեկտը»։

Կամավորական կազմակերպություններից «Պրոյեկտի» զրուցակիցը Միլսկայայի երեխաներին օգնության ազգային կենտրոնը «բարեգործության քողի տակ տնտեսական և քաղաքական գործունեությամբ զբաղվելու համար քող է անվանում»։

Հրապարակման զրուցակիցը պնդում է, որ ԱԻՆ-ն արգելափակում է հասարակական կազմակերպությունների, այդ թվում՝ որոնողական խմբերի գործունեությունը, որոնք ընդգրկված չեն այս կենտրոնի ազդեցության գոտում։

Միլսկայայի «Անհետ կորած և վիրավորված երեխաներին աջակցության ազգային մոնիթորինգի կենտրոնը» նաև օգնել է ուկրաինացի երեխաներին բռնի ուժով Ռուսաստան տանելու գործում, պարզել է «Պրոյեկտը»։ 2022 թվականի հոկտեմբերին այս կենտրոնի կամավորները ՌԴ Արտակարգ իրավիճակների նախարարության հետ միասին մասնակցել են Խերսոնի շրջանից երեխաներին Ղրիմով Կրասնոդարի երկրամաս տեղափոխմանը։ Այս մաիսն հայտնել են ռուսական պետական լրատվամիջոցները և անձամբ Միլսկայան։