Քաղաքականություն
21.08.2023 | 23:30
ԵՄ անդամ երկրները հետևում են, թե ինչպես է Վրաստանն իրականացնում բարեփոխումները, և արդյո՞ք երկիրը կարող է համախմբվել՝ աշխատելու այդ բարեփոխումների ուղղությամբ:
«Վրաստանը դեռ ժամանակ ունի դա ցույց տալու։ Նույնիսկ եթե բոլոր 12 հանձնարարականները հարյուր տոկոսով չկատարվեն, կարծում եմ՝ անդամ երկրները հետևում են, թե ինչպես է Վրաստանը ձգտում կատարել այդ խնդիրները»,- ասել է Վրաստանում ԱՄՆ դեսպան Քելի Դեգնանը «Ազատություն» ռադիոկայանի վրացական ծառայությանը տված հարցազրույցում, գրում է Գրուզիա օնլայնը։
Նրա խոսքով՝ Վրաստանում շատ ոլորտներում լավ առաջընթաց կա, բայց սա գործընթաց է, այն պետք է շարունակվի, և եթե դադարեցվի, քանի որ մարդիկ չեն ցանկանում միասին աշխատել և փոխզիջումների գնալ, ապա դա խնդիր կլինի։
Ըստ ամերիկացի դիվանագետի՝ ժամանակն է գործով զբաղվել և ցույց տալ ԵՄ անդամ երկրներին, որ Վրաստանն իսկապես նվիրված է։
