07.10.2026 | 23:48
Արթուր Դանիելյանը կալանավորվեց
Ուկրաինայի ՊՆ-ն հայտնել է ռազմաճակատում հաջողությունների մասին
Քաղաքականություն
21.08.2023 | 15:15
Ուկրաինայի Զինված ուժերի ստորաբաժանումները հաջողության են հասել Զապորոժիեի շրջանի Ռաբոտինո և Մալայա Տոկմաչկա գյուղերի մոտ։ Այս մասին Telegram-ում հայտնել է երկրի պաշտպանության փոխնախարար Աննա Մալյարը, փոխանցում է Korrespondent-ը։
«Մեր ստորաբաժանումները հաջողության են հասել Ռաբոտինոյի հարավ-արևելքում և Զապորոժիե շրջանի Մալայա Տոկմաչկայից հարավ ընկած ուղղությամբ»,- գրել է նա։
Պաշտոնյայի խոսքով՝ «հակառակորդը փորձել է վերականգնել կորցրած դիրքերը Ռաբոտինոյի արևելքում, սակայն անհաջող»։ Այս բնակավայրում «այժմ ընթանում են պլանային մարտական աշխատանքներ»։
Միաժամանակ, շարունակվում են հարձակողական գործողությունները Բերդյանսկի և Մելիտոպոլի ուղղություններում։
«Զապորոժիեի և Խերսոնի ուղղություններում ռուսական բանակը գտնվում է պաշտպանական դիրքում: Նրանք շարունակում են կրակել մեր դիրքերի և քաղաքացիական օբյեկտների ուղղությամբ Զապորոժիեի, Խերսոնի, Նիկոլաևի շրջաններում՝ միաժամանակ ակտիվորեն օգտագործելով Lancet կամիկաձե ԱԹՍ-ներ»,- հավելել է Աննա Մալյարը։
