Քաղաքականություն
21.08.2023 | 16:29
Ուկրաինայի օկուպացված հարավային շրջաններում Ռուսաստանը ստեղծում է ևս մեկ նոր կազմավորում՝ 18-րդ համակցված բանակ։ Այս մասին հայտնում է բրիտանական հետախուզությունը։
Նշվում է, որ սա, ամենայն հավանականությամբ, կլինի Խերսոնի մարզում ներկայում գործող այլ ստորաբաժանումների, այդ թվում՝ 22-րդ բանակային կորպուսի միավորումն ու հզորացումը, որի կազմում է եղել օկուպացված Ղրիմում ռուսական կայազորը։
Մեծ Բրիտանիայի Պաշտպանության նախարարության տվյալներով՝ նոր բանակը բաղկացած կլինի հիմնականում մոբիլիզացված անձնակազմից և կենտրոնանալու է Ուկրաինայի հարավում պաշտպանական գործողությունների վրա։
Բրիտանական հետախուզության պաշտոնյաները կարծում են, որ Ռուսաստանը, ամենայն հավանականությամբ, ձգտում է ազատել ավելի փորձառու ստորաբաժանումները՝ առանցքային ոլորտներում կռվելու համար, ինչի մասին է վկայում վերջերս օդադեսանտային զորքերի վերաբաշխումը Խերսոնից Օրեխովսկի հատված, որտեղ կատաղի մարտեր են ընթանում:
