07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
ՌԴ ՊՆ-ն հայտարարել է Մոսկվայի մարզում երկու ԱԹՍ-ի ոչնչացման մասին
Քաղաքականություն
21.08.2023 | 11:42
Ռուսաստանի պաշտպանության նախարարությունը հայտնել է, որ կանխել է Մոսկվայի մարզում ԱԹՍ-ի հերթական հարձակումը, հաղորդում է BBC-ի ռուսական ծառայությունը։ Նախարարության տվյալներով՝ «Մոսկվայի շրջանի տարածքում հերթապահություն իրականացնող հակաօդային պաշտպանության ուժերը հայտնաբերել են ուկրաինական անօդաչու թռչող սարք և ճնշել էլեկտրոնային պայքարի միջոցներով»։
«Կորցնելով կառավարումը՝ անօդաչու թռչող սարքը վթարվել է Օդինցովոյի շրջանի Պոկրովսկոե գյուղի մոտ, տուժածներ չկան», – հայտնում են ՌԻԱ Նովոստի պետական գործակալությունը։ Այս գյուղը գտնվում է Մոսկվայից դեպի արևմուտք մոտ 65 կիլոմետր հեռավորության վրա։
Ավելի ուշ ՌԴ ՊՆ-ն հայտնել է նաև երկրորդ ԱԹՍ-ի ոչնչացման մասին Մոսկվայի մարզի Իստրա շրջանում։
«Ուկրաինական անօդաչու թռչող սարքը ժամանակին հայտնաբերվել և ոչնչացվել է Մոսկվայի մարզի Իստրա շրջանի տարածքում հերթապահ հակաօդային պաշտպանության ուժերի կողմից»,-ասված է ՌԴ ՊՆ հայտարարության մեջ։
