28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
«Դե հիմի, օգտագործել ա մարդը». ՊԵԿ նախագահն իր աղմկահարույց նշանակումներում խնդիր չի տեսնում․ ՏԵՍԱՆՅՈՒԹ
Քաղաքականություն
13.07.2018 | 17:52
ՊԵԿ նախագահ Դավիթ Անանյանն այսօր լրագրողների հետ հանդիպմանն անդրադարձավ իր կողմից «աղմկահարույց» նշանակումներին։
Մասնավորապես՝ Ոստիկանապետ Վալերի Օսիպյանի քավոր ՊԵԿ օպերատիվ հետախուզության վարչության պետ Կարեն Կարապետյանի նշանակումից հետո մամուլում հրապարակումներ եղան այն մասին, որ ոստիկանապետի քավորը կոռուպցիոն գործերում է թաթախված։
ՊԵԿ նախագահն այս կապակցությամբ տեղեկացրեց, որ նշանակված ծառայողական քննության արդյուքններից պարզ կլինի Կարեն Կարապետյանի ճակատագիրը․ «Ծառայաողական քննությունը շարունակվում է և դրա արդյուքններով մենք համապատասխան որոշում կկայացնենք»։
Մյուս աղմկահարույց նշանակումը վերաբերվում էր իր տեղակալ Արա Գաբրելյանին։
Ամերիկյան Fox News պարբերականը գրել էր, որ 2004 թվականի օգոստոսի 29-ին ԱՄՆ-ի ոստիկանությունը ձերբակալել էր 32-ամյա հայազգի Արա Գաբրելյանին՝ GPS-ի միջոցով 35-ամյա նախկին ընկերուհուն հետապնդելու համար։ 500 հազար դոլար գրավի դիմաց նա, սակայն, ազատ է արձակվել։
Բայց իր տեղակալի կենսագրության այս դրվագը ՊԵԿ նախագահին չի հետաքրքրում․ «Արա Գավբրիելյանի մասին խոսում են, որ ինքը ԱՄՆ-ում դատվել է, մեզ, մասնավորապես, ինձ դա չի հետաքրքրում»։
Դավիթ Անանյանը նշեց, որ իր որդեգրած քաղաքականությունն այն է, որ վստահում է նախկին կադրերին, փորձ ունեցողներին։ Իսկ ԱՄՆ-ում Գաբրելյանի հետ կապված դեպքն էլ ՊԵԿ նախագահի համար անցյալ է, մեղքն արդեն մարված է։
Դավիթ ԱՆանյանը նաև նշեց, որ կարևորը կադրերի աշխատանքի արդյուանվետությունն է, եթե իր նշանակած կադրերն իրենց չարդարացնեն, ինքը նրանց հետ միասին հրաժարական կտա․
«Վարաչպետն էլ ուներ վերապահումներ, բայց եկել ենք այսպիսի որաշման, որ ՊԵԿ-ն իր վրա դրված պարտականություններն իրականացնում է, ըստ պատշաճի, ուրեմն, նշանակումները ճիշտ էին, եթե ոչ ես իմ կադրերով հանդերձ ՊԵԿ-ում անելիք չունեմ»,- նշեց Անանյանը։
Մանրամասները՝ տեսանյութում։
Լիլիթ Շաբոյան
