24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
ԱՄՆ նախագահը ցանկանում է հանդիպել Հյուսիսային Կորեայի առաջնորդ Կիմ Չեն Ընի հետ
Քաղաքականություն
18.08.2023 | 22:16
ԱՄՆ նախագահ Ջո Բայդենը ցանկանում է հանդիպել Հյուսիսային Կորեայի առաջնորդ Կիմ Չեն Ընի հետ՝ քննարկելու Կորեական թերակղզու ապամիջուկայնացումը։ Այս մասին հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին, հայտնում է Kyodo-ն։
Նա ընդգծել է, որ Բայդենը պատրաստ է առանց նախապայմանների հանդիպել Հյուսիսային Կորեայի առաջնորդի հետ։
«Մենք պատրաստ ենք նստել և բանակցել առանց նախապայմանների»,- փոխանցել է Քիրբին։
Նրա խոսքով՝ Հյուսիսային Կորեան դեռ դրական չի արձագանքել այս առաջարկին, սակայն այն դեռևս ուժի մեջ է։
Քիրբին այս հայտարարությունն արել է Ճապոնիայի և Հարավային Կորեայի ղեկավարների հետ Բայդենի եռակողմ գագաթնաժողովից մեկ օր առաջ, որի օրակարգի գլխավոր կետը լինելու է Հյուսիսային Կորեայի միջուկային և հրթիռային կարողությունների արագ զարգացումը։
