06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Շվեյցարիան միացել է Ռուսաստանի դեմ ԵՄ պատժամիջոցների 11-րդ փաթեթին
Քաղաքականություն
16.08.2023 | 22:49
Շվեյցարիան ընդլայնել է աջակցությունը սահմանափակող միջոցներին, որոնք ԵՄ-ն սահմանել է Ռուսաստանի դեմ՝ որպես պատժամիջոցների 11-րդ փաթեթի մաս։ Խոսքը «երկակի նշանակության և այլ ապրանքների արտահանման արգելքի մասին է, որոնք կարող են նպաստել Ռուսաստանի ռազմատեխնիկական հզորացմանը»։ Այս մասին տեղեկացնում է DW-ն։
Մասնավորապես, արգելվում է որոշակի ապրանքների հետ կապված մտավոր սեփականության օբյեկտների վաճառքը Ռուսաստանին, ինչպես նաև ՌԴ տարածքով տարանցում, մասնավորապես՝ ավիավառելիքի։
Նոր պատժամիջոցներն ուժի մեջ են մտել այսօր ժամը 18։00-ից, ասվում է Շվեյցարիայի կառավարության հայտարարության մեջ։
Հունիսի 28-ին Շվեյցարիան պատժամիջոցների այս փաթեթի շրջանակում միացել էր դրանց մի մասին՝ սահմանափակող միջոցներ սահմանելով առանձին ֆիզիկական և իրավաբանական անձանց նկատմամբ։
