15.09.2026 | 21:45
Եվրոպան Հայաստանին ցույց տվեց, որ կարող է լինել հուսալի գործընկեր՝ ոչ միայն խոսքով․ Բոգդան Զդրոևսկին՝ ԵԽ-ում քվեարկության մասին
ՄԱԿ-ի ԱԽ-ից Հայաստանի ակնկալիքը հումանիտար ճգնաժամի հանգուցալուծումն է․ Մարուքյան․ ՏԵՍԱՆՅՈՒԹ
Քաղաքականություն
16.08.2023 | 15:02
Հայաստանի ակնկալիքը Լեռնային Ղարաբաղում հումանիտար ճգնաժամի հանգուցալուծումն է։ Այս մասին նշեց ՀՀ հատուկ հանձնարարություններով դեսպան Էդմոն Մարուքյանը՝ պատասխանելով Factor.am-ի հարցերին։
Նրա դիտարկմամբ՝ հումանիտար ճգնաժամը սկիզբ է առել Ադրեջանի գործողություններով, այն տեխնոգեն ճգնաժամ չէ, Ադրբեջանն է կազմակերպել հումանիտար ճգնաժամը և սովը, և դրանք, որպես քաղաքական գործիք, սկսել է կիրառել ԼՂ ժողովրդի նկատմամբ։
«Մեր ակնկալիքն այն է, որ կատարվեն նոյեմբերի 9-ի հայտարարության պայմանավորվածությւնները, մասնավորապես խոսքը 6-րդ կետի՝ Լաչինի միջանցքի անխափան գործունեության վերաբերյալ դրույթի կատարման մասին է։ Լաչինի միջանցքը պետք է բացվի և գործի, որի արդյունքում ԼՂ-ում ահագնացող սովը և աղետը կդադարի»,- նշեց Մարուքյանը։
Նշենք, որ այսօր Նյու Յորքում ՄԱԿ-ի Անվտանգության խորհուրդը հրատապ նիստում քննարկելու է Ադրբեջանի կողմից Լաչինի միջանցքի շրջափակման հետևանքով Լեռնային Ղարաբաղում հումանիտար իրավիճակի վատթարացման հարցը։ Ելւյթով հանդես կգա նաև Հայաստանի արտգործնախարար Արարատ Միրզոյանը։
Հայաստանի դիմումի հիման վրա կայանալիք հրատապ նիստն ընթանալու է բաց ռեժիմով, դրան մասնակցելու են Անվտանգության խորհրդի 15՝ 5 մշտական և 10 ընտրված անդամները։ Այս ամիս Անվտանգության խորհուրդը նախագահում է ԱՄՆ-ը։
Մանրամասները՝ տեսանյութում։
