27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Լեհաստանը մեծ զորահանդես է անցկացրել
Քաղաքականություն
15.08.2023 | 22:59
Լեհական բանակի օրվա կապակցությամբ Վարշավայում մեծ զորահանդես է անցկացվել։ DW-ի ռուսական ծառայության փոխանցմամբ՝ ռազմական շքերթին մասնակցել է մոտ 2,000 զինծառայող, ցուցադրվել է առնվազն 200 միավոր զինտեխնիկա։
Շքերթն անցկացվել է շոգի պայմաններում․ օդի ջերմաստիճանը Վարշավայում հասել է +35 աստիճանի, հաղորդում է AP-ն։
Նշվում է, որ ավիաշոուում ներգրավված են եղել գրեթե հարյուր ինքնաթիռներ և ուղղաթիռներ։
Զորահանդեսին ցուցադրվել են ամերիկյան Abrams տանկերը, HIMARS անիվավոր մի քանի հրթիռային կայաններ և Patriot զենիթահրթիռային համակարգեր, ինչպես նաև հարավկորեական FA-50 կործանիչներ և K9 հաուբիցներ։
Լեհաստանի Պաշտպանության նախարարության տվյալներով՝ զինված ուժերը ներառում են 172,500 աշխատակից, այդ թվում՝ մի քանի տասնյակ հազար կամավոր ազգային անվտանգության ստորաբաժանումներ։ Վարշավայի պլանների համաձայն՝ այս թիվը պետք է հասնի 300 հազարի։
Բանակը և օդուժն արդիականացնելու նպատակով Լեհաստանը լայնածավալ գործարքների մեջ է մտել ԱՄՆ-ի և Հարավային Կորեայի հետ։
