08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Վրաստանում սողանքի հետևանքով մարդկային կորուստների թիվն ավելացել է
Քաղաքականություն
11.08.2023 | 19:23
Վրաստանում փրկարարները սողանքի ևս մեկ զոհի մարմին են հայտնաբերել Ռաճայի բարձրլեռնային երկրամասի Շովի առողջարանի շրջանում։ Տարերային աղետի զոհերի թիվը հասել է 22-ի, գրում է Գրուզիա օնլայնը։
Արտակարգ իրավիճակների կառավարման ծառայության ղեկավար Թեմուր Մղեբրիշվիլին լրագրողներին հայտնել է, որ դիակը հայտնաբերվել է գետի հունում՝ աղետի էպիկենտրոնից 20 կիլոմետր հեռավորության վրա։
Նրա խոսքով՝ աղետի վայրից 24 կիլոմետր հեռավորության վրա նաև մարդու ստորին վերջույթ է հայտնաբերվել։
«Հիմա մենք մտնում ենք 30 կիլոմետր պարագիծ, բայց օրվա ավարտին կամ վաղն առավոտյան կմտնենք 54 կիլոմետրանոց պարագիծ։ Սա Ամբրոլաուրիի տարածքն է, և մենք կփորձենք հնարավորինս արդյունավետ վերահսկել գետի հունը»,- ասել է Մգեբրիշվիլին։
Հիշեցնենք, որ օգոստոսի 3-ին Ռաճայի Շովի հանգստավայրում սողանք է տեղի ունեցել։ Աղետի հետևանքով զոհվել է 22 մարդ, այդ թվում՝ երեխաներ։ Ավելի քան 10 անհետ կորածի որոնողական աշխատանքները շարունակվում են։
