14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մոսկվայում կարծում են, որ Բաքուն զիջումների տրամադրված չէ․ Կոմերսանտ
Քաղաքականություն
11.08.2023 | 15:56
Մոսկվայում Արցախի շուրջ ստեղծված իրավիճակը գնահատում են շատ բարդ և կարծում են, որ Բաքուն զիջումների տրամադրված չէ։ «Կոմերսանտի» հետ զրույցում նման տեսակետ է հայտնել Ռուսաստանի պետական ապարատից անանուն զրուցակիցը, որը լավատեղյակ է տարածաշրջանում ստեղծված իրավիճակից։
«Իրավիճակն ինչ-որ կերպ հանդարտեցնելու բոլոր փորձերը, որոնք անում ենք մենք, Արևմուտքը, միջազգային կազմակերպությունները, ոչնչի չեն հանգեցնում։ Բաքուն չի նահանջում»,- ասել է «Կոմերսանտ»-ի աղբյուրը։
Նա, միաժամանակ, նշել է, որ Արցախի իշխանությունները նույնպես դիմադրում են։
Որպես օրինան՝ նա բերել է Բաքվի կողմից որպես Լաչինի միջանցքին այլընտրանք առաջարկված Աղդամով ճանապարհի շահագործումը։ Այս առաջարկը Ստեփանակերտը մերժել է։
Հիշեցնենք, որ նույն հարցազրույցում պարբերականի զրուցակիցը նաև պատմել էր այս առումով ՌԴ ԱԳՆ ղեկավար Սերգեյ Լավրովի առաջարկի մասին՝ բացել Աղդամի ճանապարհը, իսկ դրանից մեկ օր անց՝ Լաչինի միջանցքը, սակայն այս առաջարկի հարցում նույնպես համաձայնություն ձեռք բերել չի հաջողվել։
