26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Լավրովն առաջարկել էր բացել Աղդամով ճանապարհը, մեկ օր անց՝ Լաչինի միջանցքը․ «Կոմերսանտ»
Քաղաքականություն
11.08.2023 | 15:22
ՌԴ պետական ապարատում «Կոմերսանտի» անանուն զրուցակիցը, որը քաջատեղյակ է Հարավային Կովկասում իրավիճակից, հայտնել է, որ Աղդամով ճանապարհը, միևնույն է, բացվելու է։ Պարբերականի աղբյուրը պատմել է նաև սրա հետ կապված ՌԴ-ի առաջարկի մասին։
Նրա խոսքով՝ ՌԴ ԱԳ նախարար Սերգեյ Լավրովը տարբերակ է առաջարկել, որին ի սկզբանե համաձայնել են թե՛ ադրբեջանական, թե՛ արցախյան կողմերը։ Դրա էությունը կայացել է նրանում, որ պետք է բացվեր Աղդամով ճանապարհը, և ԿԽՄԿ-ի միջոցով սկսվեր ամեն ինչի առաքումը։ Իսկ այս վայրում երթևեկի մեկնարկից ուղիղ մեկ օր անց, Մոսկվայի առաջարկով, պետք է վերականգնվեր նաև Լաչինի միջանցքով երթևեկությունը։
«Այս տարբերակը բարձր աստիճանի պատրաստվածության էր բերված»,- ասել է «Կոմերսանտ»-ի աղբյուրը:
Բայց, ըստ նրա, Ստեփանակերտն այնուհետ պայման է առաջ քաշել, որ Լաչինը բացվի ոչ թե 24 ժամ անց, այլ անմիջապես, հետո ԼՂ-ն հայտարարել է, որ ադրբեջանական ծագման ապրանքները չպետք է մատակարարվեն Աղդամով, ինչից հետո եղել է Վագիֆ Խաչատրյանի առևանգումը, ում Արցախի իշխանությունները պահանջել են անհապաղ ազատ արձակել։ Արդյունքում, փոխզիջումը չի գտնվել։
