24.02.2026 | 10:03
Արտարժույթների փոխարժեքները՝ փետրվարի 24-ի դրությամբ
Սաակաշվիլին հայտնել է 2008թ․ պատերազմի ընթացքում «ռազմական ոլորտում Ադրբեջանի աջակցության մասին»
Քաղաքականություն
10.08.2023 | 19:28
Վրաստանի երրորդ նախագահ Միխեիլ Սաակաշվիլին Facebook սոցցանցի իր էջում գրել է, որ Ադրբեջանի դերը 2008 թվականի իրադարձություններում բավականաչափ գնահատված չէ։
«Մեր եղբայրական հարևան պետությունը մեզ համար գործարկեց վառելիքի մատակարարման ենթակառուցվածքը և ֆինանսներ ստանալու ուղիները, ինչը վճռորոշ նշանակություն ունեցավ երկրի փրկության համար»,- գրել է Վրաստանի նախկին ղեկավարը։
Սաակաշվիլին հայտնել է նաև «ռազմական ոլորտում Ադրբեջանի աջակցության մասին», որը Բաքուն Վրաստանին տրամադրել է 2008 թվականին, սակայն, ըստ Վրաստանի նախկին նախագահի, դրա մասին պետք է պատմի ադրբեջանական կողմը։
«Միգուցե Ադրբեջանն ինքը պետք է պատմեր ռազմական ոլորտում Ադրբեջանի այն ժամանակվա աջակցության մասին, բայց դա շատ կարևոր էր։ Ցանկանում եմ անձամբ շնորհակալություն հայտնել Իլհամ Ալիևին և ադրբեջանական ժողովրդին»,- գրել է Սաակաշվիլին։
