24.11.2024 | 15:26
Ուկրաինան կարող է ավարտել պատերազմը 2025-ին․ Զելենսկին սպասում է Թրամփի առաջարկներին
Հյուսիսային Իրաքում Թուրքիայի ԶՈՒ 5 զինծառայող է ոչնչացվել
Քաղաքականություն
10.08.2023 | 21:36
Թուրքիայի Պաշտպանության նախարարությունը հայտնում է, որ Իրաքի Քուրդիստանի Դուհոկ նահանգում երկու օրվա ընթացքում 5 թուրք զինվոր է սպանվել PKK-ի (Քուրդիստանի աշխատավորական կուսակցություն) զինյալների դեմ թուրքական ԶՈՒ գործողության ընթացքում։
Զոհված զինվորականներն են կրտսեր լեյտենանտ Ֆաթիհ Ուգուր Ալթընբաշը, սերժանտ Քեմալ Օզերքը, կապրալ Ուղուր Օզդեմիրը, շարքային Մահմուտ Ուչդաղը և սերժանտ Օզքան Լալեն։
Թուրքիայի ՊՆ-ն հայտնում է նաև, որ PKK-ն կրակ է բացել թուրք զինծառայողների ուղղությամբ։ PKK-ն դեռևս չի մեկնաբանել հարձակման մասին տեղեկությունը։
Հավելենք, որ Թուրքիան 2019 թվականին Խաքուրքում PKK-ի դեմ օպերացիան էր սկսել։ Դրան մեկ այլ գործողություն էր հաջորդել 2020 թվականի հունիսին: Հարձակման երրորդ փուլը ցամաքային և օդային անդրսահմանային գործողություն էր, որը մեկնարկել է 2021 թվականի ապրիլին: Այս բոլոր գործողությունները կենտրոնացած էին Քուրդիստանի Դուհոկ նահանգում։
Էմմա Չոբանյան
