24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Գերմանիայում ապաստան հայցող Թուրքիայի քաղաքացիների թիվն առաջին 7 ամսում աճել է 203 տոկոսով
Քաղաքականություն
09.08.2023 | 23:30
2023 թվականի առաջին յոթ ամիսներին, նախորդ տարվա նույն ժամանակահատվածի համեմատ, Գերմանիայում Թուրքիայի քաղաքացիների ապաստանի հայցման դիմումների թիվը 203 տոկոսով աճել է։ Այս մասին հայտնում է Deutsche Welle-ի թուրքական ծառայությունը՝ վկայակոչելով Գերմանիայի միգրացիայի և փախստականների հարցերով դաշնային գրասենյակի (BAMF) տվյալները, գրում է Turkish Minute-ը։
BAMF-ի վիճակագրության համաձայն՝ հունվար-հուլիս ամիսներին Գերմանիայում ապաստանի 188,967 դիմում է ներկայացվել: Թուրքիայի քաղաքացիներն այս ժամանակահատվածում ներկայացրել են 23,486 դիմում, ինչը 202,9 տոկոսով ավելին է 2022 թվականի առաջին յոթ ամիսների ցուցանիշի համեմատ։
Թուրքիայի քաղաքացիների ներկայացրած ապաստանի դիմումներից մինչ այժմ բավարարվել է 12,174-ը։ Դիմումներին թվով թուրքերը զիջում են սիրիացիներին և աֆղաններին։
2016 թվականի ձախողված հեղաշրջումից հետո, որը հանգեցրեց թուրքական կառավարության կողմից այլախոհության համատարած ճնշմանը, Գերմանիայում և արևմտյան Եվրոպայի այլ երկրներում ապաստան հայցող Թուրքիայի քաղաքացիների թիվը զգալիորեն աճել է:
Բացի այդ, երկրում շարունակվող տնտեսական ճնաժամը ևս ստիպում է թուրքերին երկիրը լքելու ուղիներ փնտրել՝ Եվրոպայում ավելի լավ կյանք կառուցելու համար։ Ավելին, նախագահ Ռեջեփ Թայիփ Էրդողանի՝ ընտրություններում հերթական հաղթանակը մեծ հիասթափություն է առաջացրել նրա հակառակորդների մոտ՝ ստիպելով շատերին վերանայել երկրում ապրելու ցանկությունը։
Էմմա Չոբանյան
