06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Լատվիան միացել է Ուկրաինային տրամադրվող անվտանգության երաշխիքների մասին հռչակագրին
Քաղաքականություն
09.08.2023 | 22:26
Լատվիան միացել է Ուկրաինայի անվտանգության երաշխիքների մասին G7-ի հռչակագրին։ Այս մասին օգոստոսի 9-ին Twitter-ում հայտնել է Լատվիայի վարչապետ Կրիշյանիշ Կարինշը։
«Լատվիան միացել է Ուկրաինային աջակցելու մասին G7-ի հռչակագրին։ Մենք մեր գործընկերների հետ միասին կաջակցենք Ուկրաինային ռուսական ագրեսիայի դեմ պայքարում այնքան ժամանակ, որքան դա կպահանջվի»,- գրել է նա։
Կարինշը հավելել է, որ Լատվիան սպասում է Ռուսաստանի համար հատուկ միջազգային տրիբունալի՝ Ուկրաինայի դեմ ագրեսիայի համար։
Հիշեցնենք, որ Վիլնյուսում ՆԱՏՕ-ի գագաթնաժողովում G7-ի երկրներն ընդունել են հռչակագիր, որը նախատեսում է Ուկրաինային երկարաժամկետ աջակցություն անվտանգության և տնտեսության ոլորտում։ G7-ի այս հռչակագրին կարող է միանալ ցանկացած երկիր, որը երկկողմ մակարդակով պաշտոնապես համաձայնում է որոշակի երաշխիքներ տրամադրել Ուկրաինային։
