24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Կիպրոսում ՌԴ դեսպանատունը հյուպատոսական ծառայություններ կմատուցի կղզու հյուսիսային հատվածում
Քաղաքականություն
09.08.2023 | 22:42
Կիպրոսում Ռուսաստանի դեսպանատունը շուտով սկսելու է հյուպատոսական ծառայություններ մատուցել կղզու հյուսիսային՝ թուրքական հատվածում։ Այս մասին ՏԱՍՍ-ի թղթակցին հայտնել է դեսպանատան ներկայացուցիչը։
«Շատ մոտ ապագայում մենք կսկսենք հյուպատոսական ծառայություններ մատուցել Նիկոսիա քաղաքի հյուսիսային հատվածում։ Աշխատանքները կիրականացվեն կանոնավոր կերպով»,- ասել է լրատվամիջոցի զրուցակիցը։
Ըստ նրա՝ խոսքը ՌԴ իշխանությունների կողմից Կիպրոսի հյուսիսում բնակվող իրենց քաղաքացիների նկատմամբ պարտավորությունների կատարման մասին է։ Որոշ գնահատականներով՝ Կիպրոսի հյուսիսում բնակվում է ավելի քան 50,000 ռուսաստանցի։
Հավելենք, որ Հյուսիսային Կիպրոսի թուրքական հանրապետությունը ճանաչվել է միայն Անկարայի կողմից։
Էմմա Չոբանյան
