24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Թուրքական ընկերությունները հայտնվել են Բրիտանիայի պատժամիջոցների ցուցակում ՌԴ-ին աջակցելու համար
Քաղաքականություն
08.08.2023 | 23:24
Մեծ Բրիտանիան պատժամիջոցներ է սահմանել մի շարք օտարերկրյա ընկերությունների նկատմամբ՝ մեղադրելով նրանց ռուս զինվորականներին զենք և բաղադրիչներ մատակարարելու համար, գրում է Gercek news-ը։
Բրիտանական կառավարությունը 25 նոր պատժամիջոց է սահմանել ֆիզիկական անձանց և ձեռնարկությունների նկատմամբ Իրանում, Թուրքիայում, Բելառուսում, Սլովակիայում, Շվեյցարիայում, ԱՄԷ-ում, ինչպես նաև Ռուսաստանում:
Թուրքական երկու ձեռնարկություններ՝ Turkik Union-ը և Azu International-ը, պատժամիջոցի ենթարկված ընկերությունների թվում են։ Նշվում է, որ նրանք պատժամիջոցների են ենթարկվել «Ռուսաստան միկրոէլեկտրոնիկայի արտահանման գործում իրենց դերի համար, որոնք էական նշանակություն ունեն Ուկրաինայում Ռուսաստանի ռազմական գործունեության համար»։
Azu International-ն այն ընկերությունների թվում է, որոնք պատերազմի պատժամիջոցների վերաբերյալ Ուկրաինայի կառավարության ցանկում են: Ընկերությունը նկարագրվում է որպես «էլեկտրոնիկայի թուրքական ընկերություն, որը հեշտացրել է էլեկտրոնիկայի առաքումը Ռուսաստան»։ Azu International-ը ստեղծվել է 2022 թվականի մարտին՝ Ուկրաինա Ռուսաստանի ներխուժումից անմիջապես հետո։ Այն ՌԴ-ին մատակարարել է արտասահմանյան ծագման էլեկտրոնիկայի տեխնոլոգիայի բազմաթիվ բեռներ, ինչպիսիք են համակարգչային չիպերը։
Էմմա Չոբանյան
