26.06.2026 | 13:38
Ուրսուլա ֆոն դեր Լեյենը Հայաստանից հետո Ադրբեջան կայցելի
Մեծ Բրիտանիան հակառուսական պատժամիջոցների ցանկում ավելացրել է 19 ֆիզիկական անձանց և ընկերությունների
Քաղաքականություն
08.08.2023 | 21:40
Բրիտանական իշխանությունները հայտարարել են, որ 10 ֆիզիկական անձանց և 9 ընկերությունների են ավելացրել Ռուսաստանի հետ կապված պատժամիջոցների ցուցակներում, գրում է Ինտերֆաքսը:
Այսպիսով, բրիտանական սահմանափակումների ենթարկված անձանց շրջանում կան Իրանի մի քանի քաղաքացիներ՝ կապված ինքնաթիռներ արտադրող «Paravar Pars Company» ընկերության հետ։
Պատժամիջոցների տակ է հայտնվել նաև իրանցի բրիգադային գեներալ Ալի Ռեզա Բալալին. Լոնդոնում նրան անվանում են Իսլամական հեղափոխության պահապանների կորպուսի (ԻՀՊԿ) օդատիեզերական ուժերի հրամանատարի բարձրաստիճան խորհրդական:
Բացի այդ, ցուցակում ընդգրկվել են Սլովակիայի և Շվեյցարիայի քաղաքացիներ:
Իրավաբանական անձանց ցանկում, որոնց նկատմամբ Լոնդոնը պատժամիջոցներ է կիրառում, ընդգրկված է, մասնավորապես, «Paravar Pars Company» ընկերությունը, Իսլամական հեղափոխության պահապանների կորպուսի մի շարք կառույցներ։ Այն ներառում է նաև ընկերություններ Ռուսաստանից, Արաբական Միացյալ Էմիրություններից և Թուրքիայից:
Միաժամանակ, հայտնի է դարձել, որ Մեծ Բրիտանիան սահմանափակող միջոցներ է կիրառել բելառուսական վեց ձեռնարկությունների նկատմամբ։
