16.01.2026 | 15:26
«Ուրարտուի» սանը մահացել է 18 տարեկանում
2023թ․ հուլիսը դարձել է ամենաշոգը Երկրի դիտարկումների պատմության մեջ
Քաղաքականություն
08.08.2023 | 23:17
2023 թվականի հուլիսն ամենաշոգ ամսվա ռեկորդ է սահմանել Երկրի վրա դիտարկումների պատմության ընթացքում։ Այս հուլիսը 0,33°C-ով ավելի տաք է եղել, քան 2019 թվականի հուլիսը, որը մինչ այժմ ամենաշոգն էր հայտարարվել։ Այս մասին հայտնել է կլիմայի փոփոխության դիտարկման եվրոպական «Copernicus» ծառայությունը, փոխանցում է Euronews-ը։
Փորձագետների գնահատականներով՝ այս տարվա հուլիսը 0,72°C-ով ավելի տաք է եղել, քան 1991-2020 թվականների հուլիսի միջին ցուցանիշը: Միաժամանակ, այս հուլիսը մոտ 1,5°C-ով ավելի տաք է եղել, քան 1850-1900 թվականների միջին ցուցանիշն է։
Ըստ «Copernicus»-ի՝ Հյուսիսային կիսագնդի մի շարք շրջաններում, այդ թվում՝ Եվրոպայի հարավում, նկատվել են ջերմային հզոր ալիքներ։ Հարավային Ամերիկայի մի շարք երկրներում ու Անտարկտիդայում օդի ջերմաստիճանը միջինից զգալիորեն բարձր է եղել։
Էմմա Չոբանյան
