Տավուշի մարզում ներկայացվում է «Նահանգային մայրաքաղաքի խաչմերուկները» խորագրով ցուցահանդեսը

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Oգոստոսի 8-ին` ժամը 13:00-ին, Ռուսական արվեստի թանգարանը (պրոֆեսոր Ա. Աբրահամյանի հավաքածու) Դիլիջանի երկրագիտական թանգարան-պատկերասրահում կներկայացնի «Նահանգային մայրաքաղաքի խաչմերուկները» խորագրով ցուցահանդեսը. տեղեկացնում են ՀՀ ԿԳՄՍՆ-ից։

Ռուսական արվեստի թանգարանը միջթանգարանային համագործակցության շրջանակում Տավուշի մարզի հանրությանն է ներկայացնում իր հավաքածուի ընտրանիներից մեկը: Կցուցադրվեն 17 գրաֆիկական աշխատանքներ, որոնք 2005 թ. թանգարանին են նվիրել Սամարա մարզի ղեկավարությունը և հեղինակը՝ Ստանիսլավ Շչեգլովը, Հայաստանի Հանրապետությունում Ռուսաստանի Դաշնության տարվա կապակցությամբ կայացած միջոցառման շրջանակում:

Ս. Շչեգլովի «Նահանգային մայրաքաղաքի խաչմերուկները» փորագրությունների ցուցահանդեսը հանդիսատեսին հրավիրում է ճանապարհորդելու Վոլգայի մերձափնյա գեղեցկագույն քաղաքներից մեկով՝ Սամարայով: Ցուցադրության հիմքը կազմում են «Հին Սամարա» շարքի օֆորտները, որոնք նվիրված են հեղինակի հայրենի քաղաքի ճարտարապետական հուշարձաններին: Դրանք կառուցել են մայրաքաղաքի և նահանգի ճարտարապետները XIX դ. վերջին–XX դարասկզբին: Ստալինյան ժամանակներում պաշտամունքային հուշարձաններից շատերը ոչնչացվել էին: Նկարիչն իր գործերում խնամքով վերարտադրում է նախահեղափոխական քաղաքային բնապատկերը՝ բացահայտելով կորսված ճարտարապետության ողջ ինքնատիպությունն ու հմայքը: Ս. Շչեգլովի օֆորտները աչքի են ընկնում ժանեկազարդ նրբին գծագրմամբ և կատարողական բարձր վարպետությամբ: Ցուցահանդեսում նաև ներկայացված են 1970-80-ական թթ. լինոփորագրության տեխնիկայով կատարված Ժիգուլևյան բարձունքների, Մոլոդեցկի բլրի, Բախիլովյան բացատի տեսարաններով բնապատկերներ:

Ռուսաստանի վաստակավոր նկարիչ Ստանիսլավ Լեոնիդովիչ Շչեգլովը ծնվել է 1936 թ. Կույբիշև (ներկայիս Սամարա) քաղաքում: Նա ճանաչված գծանկարիչ է, օֆորտի և լինոփորագրության վարպետ: Ս. Շչեգլովը սովորել է Ա. Լյուբիմովի գեղարվեստական ստուդիայում, 1957 թ. ավարտել է Պենզայի գեղարվեստական ուսումնարանը: 1973 թվականից հանդիսացել է ԽՍՀՄ նկարիչների միության անդամ, 1977-ից՝ Կույբիշևի արտադրաստեղծագործական կոմբինատի գլխավոր նկարիչ, այնուհետև՝ տնօրեն: 1985-1991 թթ. եղել է Ռուսաստանի նկարիչների միության Կույբիշևի մասնաճյուղի վարչության նախագահը: 1960 թվականից Ս. Շչեգլովը մասնակցել է ռուսաստանյան և արտերկրյա ցուցահանդեսների: Նրա ստեղծագործությունները պահվում են Ռուսաստանի և արտերկրի թանգարաններում և մասնավոր հավաքածուներում:

Նկարչի ստեղծագործության գլխավոր թեմաներն են մերձվոլգյան բնապատկերները, Սամարայի հիշարժան վայրերը, պատմամշակութային բնանկարը: Արվեստագետին մեծ ճանաչում է բերել «Հին Սամարա» փորագրությունների շարքը (1980-ական թթ.): Անցած տասնամյակի ընթացքում Ս. Շչեգլովը նաև կատարել է եկեղեցական մոնումենտալ նկարազարդումներ: