Հայտնի են աշխարհի լավագույն համալսարանները

Հրապարակվել է աշխարհի լավագույն համալսարանների ամենամյա վարկանիշային աղյուսակըъ QS World University Rankings-2024-ը։ Առաջին տասնյակի առաջին տեղերի կեսը բաժին է ընկել Եվրոպական բուհերին, գրում է Euronews-ը։

Բուհերի տարեկան գնահատումը, որն անցկացվում է 20-րդ տարին, հիմնված է 17,5 միլիոն գիտական ​​աշխատությունների վերլուծության և աշխարհի ավելի քան 240,000 ուսուցիչների և գործատուների փորձագիտական ​​եզրակացությունների վրա:

Եվրոպան առաջին 10 տեղերից հինգն է զբաղեցնում, իսկ անգլիախոս համալսարանները գերակշռում են վարկանիշի լավագույն հորիզոնականներում։

12-րդ տարին անընդմեջ Մասաչուսեթսի տեխնոլոգիական ինստիտուտը (ԱՄՆ) զբաղեցրել է առաջին տեղը ամենաբարձր՝ 100 միավորով։ Երկրորդ տեղում է Բրիտանիայի Քեմբրիջի համալսարանը՝ 99,2 միավորով, իսկ նրա տեղական մրցակից Օքսֆորդի համալսարանը երրորդ տեղում է՝ 98,9 միավորով։

Վարկանիշում չորրորդը Հարվարդի համալսարանն է՝ 98,3 միավորով, հինգերորդը՝ Սթենֆորդի համալսարանը՝ 98,1 միավորով։ Լոնդոնի թագավորական քոլեջը (97,8 միավոր) վեցերորդ տեղում է, Ցյուրիխի  տեխնիկական քոլեջը (93,9 միավոր)՝ 7-րդն է, իսկ Լոնդոնի համալսարանական քոլեջը (92,4 միավոր)՝ 9-րդը։

Եվրոպական մայրցամաքում վեցերորդ տեղը զբաղեցրել է Էդինբուրգի համալսարանը (86,1), որին հաջորդում են Փարիզի գիտության և գրականության համալսարանը (85,8), Մանչեսթերի համալսարանը (82,2), Լոզանի դաշնային պոլիտեխնիկական դպրոցը (80,4) և Մյունխենի տեխնիկական համալսարանը (80)։

Նշվում է նաև, որ 2018-ից Համաշխարհային համալսարանների վարկանիշային աղյուսակում զգալիորեն աճել է Ասիայի, Լատինական Ամերիկայի, Մերձավոր Արևելքի և Աֆրիկայի համալսարանների ներկայացվածությունը՝ հասնելով 46 տոկոսի։

Էմմա Չոբանյան