06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
ՌԴ իշխանությունները դեպի Լուսին առաքելության պատճառով բնակիչների տարհանում կիրականացնեն
Քաղաքականություն
07.08.2023 | 23:14
ՌԴ Խաբարովսկի երկրամասի իշխանություններն օգոստոսի 11-ի առավոտյան կտարհանեն Շախտինսկի բնակավայրի բնակիչներին՝ «Սոյուզ-2,1բ» հրթիռակրի առաջին մասի սպասվող անկման պատճառով, որը պետք է տիեզերք դուրս բերի
«Լուսին-25» ավտոմատ միջմոլորակային կայանը։ Տարհանման մասին հայտնել է Վերխնեբուրեինսկի շրջանի ղեկավար Ալեքսեյ Մասլովը, որտեղ գտնվում է բնակավայրը, գրում է DW-ի ռուսական ծառայությունը։
«Անկման ենթադրյալ գոտում են Ումալթա, Ուսամախ, Լեպիկան, Տաստախ, Սագանար գետերի գետաբերանը և Բուրեյա գետի վրայով անցնող լաստանավային անցման տարածքը»,- մանրամասնել է նա։
Պաշտոնյայի խոսքով՝ շտաբի առաջին նիստն անցկացվել է Վերխնեբուրեինսկի շրջանի վրայով սարքավորման անցնելու ժամանակ գործողությունների աշխատանքային պլանի նախապատրաստման համար:
«Վաղը կմշակենք ենթադրյալ անկման ողջ տարածքը»,- հավելել է նա։
