06.06.2026 | 10:00
Այսօր Հայաստանում լռության օր է
Ալիևն այցելել է Հայաստանի հետ սահմանակից շրջան և ծանոթացել առանձին սահմանապահ ստորաբաժանման ԱԹՍ-ներին ու զինտեխնիկային
Քաղաքականություն
07.08.2023 | 19:14
Ադրբեջանի նախագահ Իլհամ Ալիևն այցելել է Հայաստանին հետ սահմանակից Ղազախի շրջան, ծանոթացել Պետական սահմանապահ ծառայության սահմանապահ զորքերի «Ղազախ» առանձին սահմանապահ ստորաբաժանման կայազորային համալիրում ստեղծված պայմաններին, գրում են ադրբեջանական լրատվամիջոցները։
Նշվում է, որ զորամասի համալիրը, որը զբաղեցնում է 20,5 հա տարածք, ներառում է շտաբի շենք, 5 շենքից բաղկացած 146 բնակարան ունեցող բնակելի համալիր, զորանոց, ճաշարան, բաղնիք, լվացքատուն, բուժկետ, աշխատասենյակներ։
Բացի այդ, համալիրն ունի ուղղաթիռի հարթակ, ռազմական տեխնիկայի պահեստավորման կայանատեղի, ավտոլվացման կետ և գազալցակայան, զենքի, սննդի և հագուստի պահեստներ, խմելու ջրով ջրամբար, կաթսայատուն։
Ալիևին ցուցադրել են նաև զինանոցը, ռազմական տեխնիկան, ավտոմոբիլներն և զրահատեխնիկան, բժշկական մեքենաները, ինչպես նաև անօդաչուն թռչող սարքերը։ Ըստ հրապարակված լուսանկարների՝ խոսքն ադրբեջանական Quzğun անօդաչու թռչող սարքերի մասին է։
Էմմա Չոբանյան
