15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Պուտինը հանձնարարել է ավելացնել կամիկաձե անօդաչուների արտադրությունը
Քաղաքականություն
07.08.2023 | 21:30
ՌԴ նախագահ Վլադիմիր Պուտինը «Ռոստեխին» հանձնարարել է ավելացնել «Կուբ» և «Լանցետ» անօդաչուների արտադրությունը, գրում է Ինտերֆաքսը։
«Արտադրողներն ինձ խոստացել են, որ մենք կավելացնենք արտադրության ծավալը։ Նրանք կատարում են այդ խոստումը, բայց պետք է ավելին անել»,- ասել է Պուտինը «Ռոստեխի» ղեկավար Սերգեյ Չեմեզովի հետ հանդիպմանը:
Նա նշել է այդ անօդաչուների բարձր արդյունավետության մասին, նաև ասել, որ պետական կորպորացիային «անհրաժեշտ է մեծացնել սպառազինության նորագույն տեսակների արտադրությունը»։
ՌԴ նախագահն ասել է, որ խոսքը, մասնավորապես, T-90 տանկերի և ավիացիոն համակարգերի մասին է։
Նշենք, որ «Կուբն» ու «Լանցետը» փոքր չափերի կամիկաձե անօդաչուներ են։
Էմմա Չոբանյան
