24.02.2026 | 10:03
Արտարժույթների փոխարժեքները՝ փետրվարի 24-ի դրությամբ
Թուրքիայի ԱԳ նախարարն անդրադարձել է Հայաստանի հետ հարաբերությունների կարգավորմանը
Քաղաքականություն
07.08.2023 | 15:39
Թուրքիայի ԱԳ նախարար Հաքան Ֆիդանը Անկարայում դեսպանների 14-րդ համաժողովի պաշտոնական բացման արարողությանը անդրադարձել է նաև Հարավային Կովկասում զարգացումներին ու Հայաստանի հետ հարաբերություններին։
«Մերձավոր Արևելքում և Հարավային Կովկասում հաշտեցման և կարգավորման մեր գործընթացները թափ են հավաքում։ Հիմնական արտաքին քաղաքականության և սկզբունքների հիման վրա մենք ձգտելու ենք լուծել խնդիրները, ավելացնել մեր ընկերների թիվը և էլ ավելի ամրապնդել գոյություն ունեցող բարեկամների հետ հարաբերությունները»,-ասել է Ֆիդանը։
Նա նշել է, որ «Թուրքիա-Հայաստան և Ադրբեջան-Հայաստան գործընթացների համակարգված գործընթացը էական նշանակություն ունի Հարավային Կովկասում կայունության, խաղաղության, բարգավաճման և անվտանգության համար»։
Հավելենք, որ օրերս ԱՄՆ պետքարտուղար Էնթոնի Բլինքենի հետ հեռախոսազրույցում Ֆիդանը քննարկել էր հայ-ադրբեջանական հարաբերությունների կարգավորման գործընթացը։
