08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիայի կառավարության նիստում կքննարկվի Հայաստան-Ադրբեջան հարաբերությունների կարգավորման գործընթացը
Քաղաքականություն
07.08.2023 | 11:25
Թուրքիայի նախագահ Ռեջեփ Թայիփ Էրդողանի գլխավորությամբ այսօր տեղի է ունենալու կառավարության նիստը։ Հանդիպմանը քննարկվելու են ներքին ու արտաքին քաղաքական զարգացումները, գրում են թուրքական լրատվամիջոցները։
Արտաքին քաղաքականության առաջնային թեմաներից է ՌԴ նախագահ Պուտինի այցը Թուրքիա։ Հաղորդվում է, որ հանդիպման օրակարգում են լինելու նաև Հարավային Կովկասի զարգացումները և Ադրբեջանի ու Հայաստանի միջև հարաբերությունների կարգավորման գործընթացը։
Քննարկվելու են նաև Սևծովյան հացահատիկի նախաձեռնության վերակենդանացմանն ուղղված ջանքերը, ինչպես նաև՝ Արևմտյան որոշ երկրներում, հատկապես Շվեդիայում Ղուրանի դեմ ակցիաները։
Թուրքական կառավարության նիստի օրակարգում են նաև տնտեսական վերջին զարգացումները և ահաբեկչության դեմ պայքարը։ Հանդիպումից հետո Էրդողանը հանդես է գալու հայտարարությամբ։
