06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Իտալիայի վարչապետը դատի է տվել հայտնի ռոք խմբի մենակատարին` իրեն «ֆաշիստ և ռասիստ» անվանելու համար
Քաղաքականություն
04.08.2023 | 23:07
Իտալիայի վարչապետ Ջորջիա Մելոնին դատական հայց է ներկայացրել բրիտանական հայտնի Placebo ռոք խմբի մենակատարի դեմ այն բանից հետո, երբ վերջինը հուլիսին համերգի ժամանակ նրան անվանել է «ֆաշիստ և ռասիստ», փոխանցում է Euronews-ը։
Թուրինում Sonic Park փառատոնի բեմում ելույթ ունենալիս 5,000 երկրպագուների առաջ՝ Բրայան Մոլկոն Իտալիայի վարչապետին անվանել էր «կեղտի կտոր», «ֆաշիստ և ռասիստ»։
Թուրինի դատախազությունը Մոլկոյի դեմ հետաքննություն է սկսել «իշխանության ինստիտուտների նկատմամբ անհարգալից վերաբերմունքի» մեղադրանքով։ Մեղադրանքը հաստատվելու դեպքում երաժիշտը կարող է տուգանվել մինչև 5,000 եվրոյով։ Մելոնիի փաստաբանները արդեն դիմել են դատարան և զրպարտության հայց են ներկայացրել։
Առաջին անգամ չէ, որ Մելոնին նմանատիպ հայց է ներկայացնում։ Անցյալ տարի նա դատի էր տվել Domani թերթի խմբագրությանը։ Լրատվամիջոցը պնդում էր, որ Մելոնին փորձել է օգնել իր կուսակցության պատգամավորին կառավարական պայմանագիր ձեռք բերել՝ Covid-19 համաճարակի ժամանակ պաշտպանիչ դիմակներ գնելու համար: Մելոնին հերքել է մեղադրանքը և թերթից պահանջել 25 հազար եվրո փոխհատուցում: Դատավարությունը պետք է սկսվի 2024 թվականի հուլիսին։
Ըստ լրագրողական ասոցիացիաների տվյալների՝ Իտալիան Եվրոպայում լրատվամիջոցների դեմ զրպարտության հայցերի առումով ամենաբարձր ցուցանիշներից մեկն ունի։
Էմմա Չոբանյան
