16.01.2026 | 15:30
Պետությունը չի սուբսիդավորի սոցփաթեթի շահառուների 6000 դրամը․ ՏԵՍԱՆՅՈՒԹ
Իսպանիայում և Պորտուգալիայում անտառային հրդեհներ են մոլեգնում
Քաղաքականություն
08.08.2023 | 23:04
Իսպանիայի և Պորտուգալիայի արտակարգ իրավիճակների ծառայությունները շարունակում են պայքարել անտառային հրդեհների դեմ, որոնք ընդգրկել են հազարավոր հեկտար տարածք։ Շոգ եղանակի նոր ալիք է եկել Պիրենեյան թերակղզի՝ նպաստելով հրդեհների տարածմանը, գրում է BBC-ի ռուսական ծառայությունը։
Պորտուգալիայի քաղաքացիական պաշտպանության ազգային մարմնի տվյալներով՝ 1000 հրշեջ և 12 ինքնաթիռ ուղարկվել է երկրի կենտրոնական և հարավային հատվածներում հրդեհը մարելու համար:
Անտառային հրդեհը, որի դեմ պայքարում են ավելի քան 800 հրշեջներ, սկսվել է շաբաթ Ալենտեխո շրջանի Օդեմիրա մունիցիպալիտետում, այնուհետև տարածվել է դեպի հարավ՝ դեպի Ալգարվե՝ Պորտուգալիայի գլխավոր զբոսաշրջային ուղղություններից մեկը:
Բարձր ջերմաստիճանն ու ուժեղ քամին դժվարացնում են հրդեհի դեմ պայքարը, որը ոչնչացրել է մոտ 7,000 հեկտար անտառ: Երկուշաբթի երեկոյան Օդեմիրում երկինքը մթնել է, օդ է բարձրացել ծխի հսկայական ամպ։ Օդեմիրա քաղաքի քաղաքապետ Հելդեր Գերեյրոն իրավիճակը կրիտիկական է անվանել։
Իշխանությունները հայտնել են, որ 19 փոքր գյուղեր, չորս զբոսաշրջային բազաներ և մի ճամբար տարհանվել են: Փակվել են մի քանի ճանապարհներ, այդ թվում՝ Լիսաբոնի և Պորտուի միջև ընկած A1 մայրուղու մի մասը:
Շատ գիտնականներ անտառային հրդեհները կապում են կլիմայի փոփոխության հետ, որն ուժեղացել է մարդու գործունեության արդյունքում: Եվ թեև այս ամառ Իսպանիայում և Պորտուգալիայում հրդեհները հիմնականում քիչ են երկարաժամկետ միջինից, համակարգչային մոդելները ցույց են տալիս, որ ապագայում ջերմային ալիքների հաճախականությունը, ամենայն հավանականությամբ, կաճի:
