06.08.2026 | 09:00
Կառավարության նիստը. ՈՒՂԻՂ
Մոսկվան ակտիվորեն պատրաստվում է Կապանում ռուսական գլխավոր հյուպատոսության բացմանը․ ՌԴ ԱԳՆ
04.08.2023 | 15:09
Ռուսաստանը ակտիվ նախապատրաստական աշխատանքներ է տանում Կապանում ռուսական հյուպատոսության բացման համար։ Այս մասին ՏԱՍՍ-ի հետ զրույցում ասել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարը։
«Մենք ակտիվորեն նախապատրաստվում ենք Սյունիքի մարզի Կապան քաղաքում ՌԴ գլխավոր հյուպատոսության լայնամասշտաբ բացմանը։ Այս նախաձեռնությունը հավանության է արժանացել մեր ղեկավարների կողմից մայիսի 25-ին Մոսկվայում կայացած հանդիպման ժամանակ: Արդեն սեպտեմբերին ռուս դիվանագետները կայցելեն տարածաշրջան, որոնք տեղում անմիջականորեն զբաղվելու են օպերատիվ հարցերի լուծմամբ»,-ասել է Գոնչարը։
Նա նաև հայտարարել է, որ բազմաթիվ առաջարկներ կան Ռուսաստանի և Հայաստանի տարբեր բնակավայրերի միջև քույր քաղաքների հարաբերություններ հաստատելու վերաբերյալ։ Օրակարգում է նաև հաջորդ՝ տասներորդ անընդմեջ Միջտարածաշրջանային համաժողովը, որը նախատեսվում է անցկացնել աշնանը Հայաստանում։
