25.02.2026 | 21:59
Հարություն Պապյանը որոնվում է որպես անհետ կորած
Ռուս-չինական սահմանին վտանգի «կարմիր» մակարդակ է սահմանվել
Քաղաքականություն
04.08.2023 | 22:24
Ռուսաստանին սահմանակից Չինաստանի Հեյլունցզյան նահանգի տարածքում տեղական իշխանությունների հրահանգով սահմանվել է վտանգի ամենաբարձր՝ «կարմիր» մակարդակ։ Այս միջոցը պայմանավորված է հորդառատ անձրևներով և ջրհեղեղով, հայտնում է EADaily-ն՝ Չինաստանի կենտրոնական հեռուստատեսությանը (CTC) հղումով:
Հիդրոլոգիայի և ջրային ռեսուրսների մարզային կենտրոնի տեղեկատվության համաձայն՝ սահմանամերձ մարզի որոշ գետերում ջրի մակարդակը կրիտիկական մակարդակը գերազանցել է 12 սմ-ով, ջուրը շարունակում է բարձրանալ։ Այս կապակցությամբ տեղական իշխանությունները զգուշացնում են ջրհեղեղների, սողանքների ու փլուզումների վտանգի մասին։
Հաղորդվում է նաև, որ իրավիճակը շարունակում է լուրջ մնալ Հեբեյ նահանգում, որտեղ գետերի վարարման պատճառով հեղեղվել են ցածրադիր գյուղատնտեսական նշանակության հողերի մեծ տարածքներ։ Այս շրջաններից բնակիչները տարհանվում են։
