07.10.2026 | 23:48
Արթուր Դանիելյանը կալանավորվեց
ՌԴ ԱԳՆ-ի ներկայացուցիչը դժգոհել է, թե Արևմուտքը «շանտաժի է ենթարկում Հայաստանին Մոսկվայի դեմ»․
Քաղաքականություն
04.08.2023 | 12:10
Արևմտյան երկրները «կեղտոտ մեթոդներով շանտաժի են ենթարկում Հայաստանին՝ Ռուսաստանի հետ գործընկերության դեմ տրամադրելով»։ Այս մասին ՏԱՍՍ-ին տված հարցազրույցում հայտարարել է ՌԴ ԱԳՆ ԱՊՀ երկրների չորրորդ դեպարտեմենտի տնօրեն Դենիս Գոնչարը։ Նա նշել է, թե Մոսկվայի ու Երևանի միջև այսօր «խիտ արտաքին քաղաքական համակարգում է հաստատվել ՀԱՊԿ-ի, ԵԱՏՄ-ի և ԱՊՀ-ի շրջանակներում, ինչպես նաև տարբեր միջազգային հարթակներում, առաջին հերթին՝ ՄԱԿ-ում»։
«Եթե խոսենք ինչ–որ բացասական պահերի մասին Երևանի հետ հարաբերություններում, ապա դրանք պայմանավորված են առաջին հերթին Արևմտյան երկրների՝ ռուս-հայկական գործընկերությանը վնասելու շարունակվող փորձերով։ Կիրառում են ցանկացած, այդ թվում՝ կեղտոտ մեթոդներ՝ պատժամիջոցային շանտաժ, անբարեխիղճ մրցակցություն, ամորֆ խոստումներ, որոնցում, ինչպես հայկական ասացվածքն է ասում, «ավելի շատ ծուխ կա, քան խորոված»,-ասել է Գոնչարը։
«Ապավինում ենք մեր հայ ընկերների իմաստությանը։ Մեր կողմից, ինչպես նախկինում, հաստատակամ ենք, բոլոր խնդրահարույց հարցերը լուծել դաշնակցային առանցքում՝ ուղղակի և անկեղծ երկխոսության շրջանակներում»,-եզրափակել է դիվանագետը։
