06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
Ալիևը Բոնոյի հետ քննարկել է Հայաստանի հետ խաղաղության գործընթացը
03.08.2023 | 19:56
Ադրբեջանի նախագահ Իլհամ Ալիևը Բաքվում ընդունել է ԱՄՆ Պետքարտուղարության Կովկասյան բանակցությունների գծով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյին։
Ադրբեջանական կողմի հաղորդմամբ՝ Ալիևը Բոնոյի հետ մտքեր է փոխանակել ԱՄՆ պետքարտուղար Էնթոնի Բլինքենի հետ վերջերս կայացած հեռախոսազրույցի ընթացքում բարձրացված հարցերի շուրջ։ Ալիևը վերահաստատել է «ադրբեջանական կողմի վճռականությունը՝ շարունակելու խաղաղության գործընթացը» և բանակցությունների ընթացքում քննարկված հիմնական ուղղություններում արդյունքների շուտափույթ ձեռքբերման հույս հայտնել։
«Զրույցի ընթացքում մտքերի փոխանակություն է տեղի ունեցել Ադրբեջանի և Հայաստանի միջև հարաբերությունների կարգավորման և խաղաղության պայմանագրի շուրջ բանակցային գործընթացի շուրջ»,- ասվում է հաղորդագրության մեջ։
Հավելենք, որ այսօր ավելի վաղ Բոնոն հանդիպել էր Ադրբեջանի ԱԳ նախարար Ջեյհուն Բայրամովին։
Էմմա Չոբանյան
