26.06.2026 | 14:46
Նիդերլանդների ԱԳՆ ներկայացուցչի հետ քննարկվել են հայկական արտադրանքի արտահանման հնարավորությունները դեպի ԵՄ
Ուժեղ փոթորիկներից մինչև սաստիկ շոգ․ էքստրեմալ եղանակային պայմանները ստուգում են Ասիայի դիմացկունությունը
Քաղաքականություն
03.08.2023 | 22:57
Ուժեղ փոթորիկներից մինչև սաստիկ շոգ․ Ասիայում էքստրեմալ եղանակային պայմաններ են։ Թայվանը պատրաստվում է «Հանուն» թայֆունին, որը, ինչպես կանխատեսվում է, կբերի հորդառատ անձրևներ և քամիներ՝ ավելի քան 160 կմ/ժ արագությամբ: Այն արդեն հարվածել է Ճապոնիայի հարավային կղզիներին, գրում է Euronews-ը։
Չինաստանը դեռևս ցնցված է «Դոքսուրի» թայֆունի հետևանքներից, որը մարդկային կորուստների և ավերածությունների պատճառ է դարձել Պեկինում և հարակից Հեբեյ նահանգում:
Առնվազն 21 մարդ է զոհվել համատարած ջրհեղեղների հետևանքով, որոնք առաջացել են տարածաշրջանում վերջին 140 տարվա ամենահորդառատ անձրևների հետևանքով։
Հարավային Կորեայում ջերմաստիճանի կտրուկ աճն այլ տեսակի սպառնալիք է դարձել․ Համաշխարհային սկաուտական հավաքին ավելի քան 100 մարդ ջերմային կաթված է ստացել և դիմել բժշկի։ Առաջիկա օրերին երկրում ջերմաստիճանը չի նվազի 30 աստիճանից։ Այս շաբաթ Հարավային Կորեան չորս տարվա ընթացքում առաջին անգամ բարձրացրել է շոգ եղանակի մասին նախազգուշացման մակարդակը մինչև ամենաբարձր՝ «լրջագույն» մակարդակի:
Ամբողջ աշխարհում կլիմայական ռեկորդներ են գրանցվում, ինչը, ըստ մասնագետների, գլոբալ տաքացման և Էլ Նինյո եղանակային ֆենոմենի համակցության արդյունք է:
