15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Մոսկվայի դատարանն առաջին անգամ տուգանել է Apple-ին` Ուկրաինայի պատերազմի մասին բովանդակությունը չհեռացնելու համար
Քաղաքականություն
03.08.2023 | 22:34
Մոսկվայի դատարանը Ռոսկոմնադզորի խնդրանքով Apple-ի նկատմամբ տուգանք է սահմանել 400 հազար ռուբլու չափով (շուրջ 3,890 եվրո)՝ ուկրաինական պատերազմի մասին փոդքասթերը և այլ բովանդակություն չհեռացնելու համար, գրում է BBC-ի ռուսական ծառայությունը։
Հարցը քննարկվել է փակ դռների հետևում։ Նշվում է, որ տուգանքի չափը երկու անգամ պակաս է օրենքով նախատեսված նվազագույնից (Վարչական իրավախախտումների վերաբերյալ օրենսգրքի 13.41-րդ հոդվածի 2-րդ մաս):
Ավելի վաղ Ռոսկոմնադզորը պահանջել էր հեռացնել փոդքասթերն ու հավելվածները, որոնք, ըստ գերատեսչության, «ոչ ճշգրիտ» տեղեկություններ են տարածում ուկրաինական պատերազմի մասին։ Ռոսկոմնադզորը կարծում է, որ այդ տեղեկատվությունն «ուղղված էր Ռուսաստանում քաղաքական իրավիճակի ապակայունացմանը»։
Apple-ի համար սա այս հոդվածով նախատեսված առաջին տուգանքն է, թեև Ռուսաստանում պարբերաբար տուգանվում են խոշոր միջազգային ընկերությունները, հիմնականում՝ սոցիալական ցանցերն ու ծառայությունները։
Միաժամանակ, օգոստոսի 3-ին Մոսկվայի դատավորը 3 միլիոն ռուբլու չափով (29,150 եվրո) վարչական տուգանք է կիրառել Wikimedia հիմնադրամի նկատմամբ՝ նույն հոդվածով Wikipedia-ից բովանդակություն չհեռացնելու համար, որը, ըստ գերատեսչության, պարունակում է «ոչ ճշգրիտ տեղեկատվություն» Ուկրաինա ռուսական ներխուժման թեմայի մասին։
