24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
«Թուրքմենստան» ավիաընկերությունը խմբագրել է Մոսկվայից թռիչքների տեղափոխման մասին հայտարարությունը. տեքստից անհետացել է «օդային իրավիճակի» մասին հիշատակումը
Քաղաքականություն
02.08.2023 | 22:22
«Թուրքմենստան» ավիաընկերությունը, որը նախօրեին հայտարարել էր դեպի Մոսկվա թռիչքների դադարեցման մասին, խմբագրել է իր կայքում տեղադրված հայտարարությունը։
Մոսկվայի փոխարեն դեպի Կազան չվերթներ իրականացնելու մասին հաղորդագրոոթյունից անհետացել է նման որոշման պատճառը, որն արձանագրել է «Մեդիազոնա»-ն։
Նախօրեին տարածված հայտարարության մեջ ասվում էր, որ թռիչքները դադարեցվում են «Մոսկվայի օդային գոտում օդային իրավիճակի պատճառով, ինչպես նաև ռիսկերի գնահատման հիման վրա՝ թռիչքների անվտանգությունն ապահովելու նպատակով»։
Այժմ մամուլի հաղորդագրության մեջ նշվում է միայն, որ «Թուրքմենստանի ավիաուղիներ ԲԲԸ-ի բոլոր թռիչքները Աշխաբադ-Մոսկվա-Աշխաբադ ուղղությամբ կդադարեցվեն և կիրականացվեն Աշխաբադ-Կազան-Աշխաբադ երթուղով»:
Ավիաընկերությունը դարձել է առաջին փոխադրողը, որը դադարեցրել է թռիչքները դեպի Մոսկվա՝ մեկ շաբաթվա ընթացքում «Մոսկվա Սիթի» բիզնես համալիրի վրա երկրորդ անօդաչու սարքի հարձակումից հետո։ Երկու միջադեպերից հետո Մոսկվայի իշխանությունները ստիպված են եղել կարճ ժամանակով փակել «Վնուկովո» օդանավակայանը։
