15.09.2026 | 21:24
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների ցուցակները
ԵՄ-ն ու Թուրքիան քննարկում են մաքսային համաձայնագրի ընդլայնումը
02.08.2023 | 15:32
ԵՄ-ն ու Թուրքիան քննարկում են իրենց մաքսային համաձայնագրի թարմացումը եվրոպացի գործընկերների և ներդրողների վստահությունը վերականգնելու համար, հայտնում է Bloomberg գործակալությունը։
«Դժվար խնդիրներ կան, որոնք պետք է լուծվեն այս առումով։ Ամառվանից հետո մենք կդիտարկենք սա մեր թիմերի հետ և կտեսնենք՝ հնարավո՞ր է հիմնվել Թուրքիայից եկող այս նոր ազդակների վրա»,- ասել է մաքսային հարցերով ԵՄ հանձնակատար Պաոլո Ջենտիլոնին:
Նշվում է, որ անցյալ ամիս ԵՄ արտգործնախարարները հայտարարել էին «Թուրքիայի հետ երկկողմ կապերի ամրապնդման» վրա աշխատելու պատրաստակամության մասին այն բանից հետո, երբ Անկարան սկզբունքորեն համաձայնել էր ՆԱՏՕ-ին Շվեդիայի անդամակցությանը։
Բացի այդ՝ Ջենտիլոնին վերջին երկու շաբաթվա ընթացքում արդեն երկու անգամ հանդիպել է Թուրքիայի ֆինանսների նախարար Մեհմեդ Շիմշեքին՝ քննարկելու թուրքական կառավարության տնտեսական քաղաքականությունը և Անկարայի և ԵՄ հարաբերությունները։
