13.12.2024 | 22:44
Դեկտեմբերի 16-ին Հայաստանի մի շարք հասցեներում էլեկտրաէներգիայի անջատումներ կլինեն
Չինաստանում աննախադեպ ջրհեղեղներ են․ ավելի քան 133,000 մարդ է տուժել
Քաղաքականություն
02.08.2023 | 22:10
Չինաստանի հյուսիսում ջրհեղեղների հետևանքով 20 մարդ է զոհվել, ավելի քան 133,000 տուժած կա։ Euronews-ի փոխանցմամբ՝ փրկարարները փորձում են հասնել օրեր շարունակ տեղացած աննախադեպ անձրևների պատճառով Պեկինի թաղամասերից մեկում արգելափակված մարդկանց:
Միաժամանակ, ուղղաթիռները բեռներ են նետում հեռավոր շրջաններ, որտեղ ճանապարհները հեղեղվել և անանցանելի են դարձել:
Վերջին մի քանի օրվա ընթացքում առնվազն 20 մարդ է մահացել, ավելի քան 133,000-ն էլ տուժել է տարածաշրջանի քաղաքներում: Չդադարող անձրևներն առաջացրել են ջրհեղեղներ, որոնք հեղեղել են փողոցները, արմատախիլ արել ծառեր, վնասել էլեկտրահաղորդման գծերը։
Ջրհեղեղը հանկարծակիի է բերել Պեկինի իշխանություններին։ Չինաստանի մայրաքաղաքում սովորաբար չոր ամառներ են լինում և կայուն տաք եղանակ:
Էմմա Չոբանյան
