17.03.2026 | 17:54
Արտավազդ Քարամյանը հյուրընկալվել է «Փյունիկին»․ ԼՈՒՍԱՆԿԱՐ
Անընդունելի է, որ այն ենթարկվում է Երևանին․ Ալիևը բացահայտել է Բաքվի կողմից ԿԽՄԿ-ին թիրախավորելու նպատակը
Քաղաքականություն
02.08.2023 | 13:14
Ադրբեջանն արդեն նախագահի մակարդակով բացահայտում է Կարմիր Խաչի միջազգային կոմիտեի դեմ արշավի հիմնական նպատակը։ Euronews-ին տված հարցազրույցում Ադրբեջանի նախագահ Իլհամ Ալիևն անընդունելի է համարել, որ Արցախում Կարմիր Խաչի միջազգային կոմիտեի գրասենյակը ենթարկվում է ոչ թե Բաքվի, այլ Երևանի ներկայացուցչությանը։
«Ցավոք, մինչ այժմ նրանց (Կարմիր Խաչի) գրասենյակը Ղարաբաղում ենթակա է ոչ թե Բաքվի, այլ Երևանի գրասենյակին։ Սա անընդունելի է, քանի որ ամբողջ աշխարհը ճանաչում է Ղարաբաղը որպես Ադրբեջանի մաս։ Մենք օրինական իրավունք ունենք հարցնելու, թե ինչու է Խանքենդիում (Ստեփանակերտում) Կարմիր Խաչի բաժանմունքը ենթարկվում ոչ թե Բաքվի, այլ Երևանի գրասենյակին»,- հայտարարել է Ալիևը։
Հավելենք, որ Կարմիր Խաչի միջազգային կոմիտեի Արցախի գրասենյակի ենթակայությունը Բաքվին Ադրբեջանի առաջնային նպատակներից է, որի մասին տարբեր շրջանակներ, այդ թվում՝ ԱԳՆ-ն, բարձրաձայնում են դեռ նախորդ տարվանից։ Այդ պատճառով էլ Բաքուն վարկաբեկման արշավ է իրականացում ԿԽՄԿ-ի դեմ՝ խոչընդոտելով Արցախում կառույցի բնականոն աշխատանքին։
Հունիս և հուլիս ամիսներին էլ Ադրբեջանի ԱԳ նախարար Ջեյհուն Բայրամովն այդ հարցը քննարկել էր ԿԽՄԿ Բաքվի գրասենյակի ղեկավարի հետ հանդիպումներում։
Էմմա Չոբանյան
