15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ալիևը չի բացառել մինչև տարեվերջ Հայաստանի հետ խաղաղության պայմանագրի կնքումը
Քաղաքականություն
01.08.2023 | 18:52
Ադրբեջանի նախագահ Իլհամ Ալիևը չի բացառել Բաքվի և Երևանի միջև խաղաղության պայմանագրի ստորագրումը մինչև 2023 թվականի վերջը, գրում են ադրբեջանական լրատվամիջոցները։
«Եթե հայկական կողմից տեսնենք կառուցողական մոտեցում և, որ ամենակարևորն է, նրանք ամբողջությամբ հրաժարվեն մեր տարածքային ամբողջականությունը վիճարկելու իրենց նկրտումներից, ապա կարող ենք խաղաղ լուծում գտնել շատ շուտով, կարող է լինել նույնիսկ տարեվերջին»,- ասել է Ալիևը Euronews-ին տված հարցազրույցում, որի ամբողջական տարբերակը հեռարձակվելու է այսօր ավելի ուշ։
Հավելենք, որ Ալիևի հետ հարցազրույցն անցկացրել է Euronews-ի լրագրող Անելիզ Բորգեսը, որը մասնակցել է նաև Արցախի գրավյալ Շուշի քաղաքում Ադրբեջանի իշխանությունների կողմից կազմակերպված մեդիա ֆորումին։
Էմմա Չոբանյան
