06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Միջազգային տիեզերակայանի ամերիկյան հատվածում վթար է տեղի ունեցել
Քաղաքականություն
01.08.2023 | 23:04
Միջազգային տիեզերակայանի ամերիկյան հատվածում էլեկտրամատակարարման համակարգում խափանում է եղել։ Այս մասին են վկայում տիեզերագնացների՝ ամերիկյան առաքելությունների կառավարման կենտրոնի հետ բանակցությունները, որոնք վարում է NASA-ն։
«Էլեկտրամատակարարման համակարգում լուրջ խափանում ունենք, ինչ-որ բան լարման բարձրացում է առաջացրել, որն էլ հանգեցրել է խափանման»,- Հյուսթոնում բանակցությունների ժամանակ ասել է թռիչքների կառավարման կենտրոնի աշխատակիցը։
Նրա խոսքով՝ խափանման պատճառով տիեզերակայանի աշխատակիցների մոտ Երկրի հետ կապի խնդիր է առաջացել, կայանի անձնակազմին ոչինչ չի սպառնում։
«Քանի որ սա կայանի ներսում գտնվող էլեկտրական սարքավորումների հետ կապված խնդիր է, կուզենայինք, որ ձեզանից մեկն իջներ ռուսական հատված և ստուգեր ծխի կամ հրդեհի նշանները»,- նշել է մասնագետը։
Իր հերթին, «Ռոսկոսմոսը» նշել է, որ ՄՏԿ-ի ռուսական հատվածի բոլոր սարքավորումներն ու համակարգերն աշխատում են նորմալ ռեժիմով։
