03.10.2026 | 13:33
Ֆիզիկական ԱԲ-ն՝ Հայաստանի ճարտարագիտական շաբաթվա առանցքում․ մեկնարկել է «Հայաստան – Ճարտարագիտական շաբաթ 2026»-ը
Տոնոյանի ուշագրավ հայտարարությունները․ կալանավորված նախկին նախարարն այսօր ԱԺ-ում էր․ ՏԵՍԱՆՅՈՒԹ
Քաղաքականություն
01.08.2023 | 18:10
44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նիստին այսօր մասնակցում էր 2018-2020 թվականներին պաշտպանության նախարարությունը ղեկավարած Դավիթ Տոնոյանը։ Շուրջ 4 ժամ ուղիղ եթերում Տոնոյանը պատասխանում էր պատերազմի շրջանին առնչվող իշխանական պատգամավորների հարցերին։
Տոնոյանն այսօր պնդեց, թե, իր գնահատմամբ, 2018 մթվականին մայիսին, երբ ստանձնում էր նախարարի պաշտոնը, Հայաստանի զինված ուժերի վիճակը բավարար էր, և ՀՀ ԶՈՒ-ն պատրաստ էր իրեն 2-3 անգամ գերազանցող ուժերի դիմագրավել։ Նախկին բարձրաստիճան պաշտոնյան նաև խոստովանեց՝ պատերազմին Թուրքիայի մասնակցությունը չեն կանխատեսել։
Դավիթ Տոնոյանի մասնակցությամբ նիստը կշարունակվի նաև վաղը։
Նշենք, որ ընդդիմադիր խմբակցությունները շարունակում են բոյկոտել հանձնաժողովին իրենց մասնակցությունը՝ պատճառաբանելով, թե այն լեգիտիմ չէ և իշխանությունը չի կարող քննել իր իսկ գործողությունները։
Մանրամասները՝ տեսանյութում։
Շողիկ Գալստյան
