07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Մյանմարի ռազմական դատարանի կողմից դատապարտված նախկին առաջնորդ Աուն Սան Սու Չժիին ներում է շնորհվել
Քաղաքականություն
01.08.2023 | 22:47
Մյանմարի խունտան մասնակի ներում է հայտարարել երկրի նախկին դեմոկրատ առաջնորդ Աուն Սան Սու Չժիին։ Հայտարարության մեջ ասվում է, որ սա լայն համաներման մի մասն է, որից տուժել է ավելի քան 7,000 բանտարկյալ։ Աուն Սան Սու Չժին ազատվել է 19 մեղադրանքներից 5-ից։ Չի մասնավորեցվում, սակայն, արդյո՞ք սա նշանակում է, որ նա ազատ կարձակվի, գրում է Euronews-ը։
Աուն Սան Սու Չժին ձերբակալվել էր 2021 թվականի սկզբին տեղի ունեցած հեղաշրջումից հետո և ռազմական դատարանի կողմից դատապարտվել մի քանի քրեական մեղադրանքներով։ Նա մեղադրվել է, մասնավորապես, կոռուպցիայի և ընտրական օրենսդրության խախտման համար։ Ընդհանուր առմամբ, 77-ամյա Աուն Սան Սու Չժիին սպառնում էր ավելի քան երեք տասնամյակ ազատազրկում։
Երկրի նախկին ղեկավարը կտրականապես հերքել է բոլոր մեղադրանքները՝ դրանք անվանելով անհեթեթ։ Նրա կողմնակիցները խունտային մեղադրում են գործեր կեղծելու մեջ՝ քաղաքական գործչին մեկուսացնելու համար, որը կարող է կասկածի տակ դնել զինվորականների հեղինակությունը։
Աուն Սան Սու Չժիի ներման մասին հայտարարվել է Մյանմարում արտակարգ դրության ռեժիմը ևս կես տարով երկարաձգելու հաջորդ օրը։ Սա կասկածի տակ է դնում ընտրությունների անցկացման և երկրում քաղաքացիական պետական կառավարման վերականգնման հնարավորությունը։
