23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Բայրամովն Էրդողանի գլխավոր խորհրդականի հետ քննարկել է Հայաստանի հետ հարաբերություններն ու տարածաշրջանում իրավիճակը
Քաղաքականություն
01.08.2023 | 13:56
Ադրբեջանի ԱԳ նախարար Ջեյհուն Բայրամովն Անկարա այցի շրջանակում հանդիպել է Թուրքիայի նախագահի գլխավոր խորհրդական Աքիֆ Չաղաթայ Քըլըչի հետ։
Ադրբեջանի ԱԳՆ-ի փոխանցմամբ՝ հանդիպմանը քննարկվել են երկու երկրների միջև համագործակցությունը, ինչպես նաև տարածաշրջանում տիրող իրավիճակը։ Գոհունակություն է արտահայտվել Ադրբեջանի և Թուրքիայի միջև դաշնակցային հարաբերությունների և տարածաշրջանային ձևաչափերի շրջանակում համագործակցության կապակցությամբ։
Բայրամովը ներկայացրել է նաև Արցախյան պատերազմից հետո Բաքվի կողմից որդեգրած քաղաքականությունը։ Ադրբեջանի ԱԳ նախարարը հերթական անգամ դժգոհել է Հայաստանից և «ռազմաքաղաքական սադրանքների մեջ» մեղադրել։
Քըլըչն էլ նշել է, որ Թուրքիայի և Ադրբեջանի հաջող համագործակցությունը՝ «եղբայրական ու բարեկամական փիլիսոփայությանը համապատասխան», նպաստում է երկու երկրների ու տարածաշրջանի պետությունների զարգացմանն ու անվտանգությանը։
Հավելենք, որ նախօրեին Բայրամովը բանակցություններ էր անցկացրել Թուրքիայի նախագահ Ռեջեփ Թայիփ Էրդողանի և ԱԳ նախարար Հաքան Ֆիդանի հետ։
Էմմա Չոբանյան
