Սամվել Բաբայան, ինչու եք թույլ տալիս՝ Դաշնակցության ներկայացուցչին առաջ բերեն․ Պետրոսյան. ՏԵՍԱՆՅՈՒԹ

«Այս շաբաթվա ընթացքում մենք պետք է հարցերը լուծենք: Այստեղ սով է սկսվելու, այստեղ երեխեքն արդեն լուրջ խնդիրներ ունեն: Այս իրավիճակում մենք չենք կարող երեխեքին այստեղ պահել, պետք է լուծում գտնել»,- իր էջի ուղիղ եթերում հայտարարեց Արցախի նախագահին կից հակաճգնաժամային խորհրդի նախագահ Տիգրան Պետրոսյանը։

Տիգրան Պետրոսյանն անդրադարձավ նաև Արցախում ներքաղաքական խնդիրներին։

«Վերջերս ԱԺ-ում նախագահ Արթուր Թովմասյանը հրաժարական է տվել, Դավիթ Իշխանյանի անունն են տալիս: Դավիթ Իշխանյանին որպես մարդ ես հարգում եմ, բայց եկեք հասկանանք: Դուք նորից Աշոտ Ղուլյան եք խաղում, դուք պետականություն չեք ուզում, դուք չեք թողնում՝ մենք պետականություն ունենանք։ Ո՞նց կարող է ԱԺ-ում երեք հոգանոց խմբակցությունից ընտրել ԱԺ նախագահ, այն էլ շատ մեծ կասկածներ կան, թե ոնց են էդ ԱԺԿ-ն, ՀՅԴ-ն ընտրվել Բակո Սահակյանի օրոք: Հիմա կա «Ազատ հայրենիք» մեծամասնություն: Լավ, «Ազատ հայրենիքը» հասկացանք, Արայիկ Հարությունյանն ասում է՝ դուք բան արեք, բաց Սամվել Բաբայան, երկրորդ ուժն եք, նորմա՞լ է, որ Դավիթ Իշխանյանին ընտրեք: Ժողովուրդը ձեզ մանդատ է տվել, ինչո՞ւ եք թույլ տալիս, որ Դաշնակցության ներկայացուցչին առաջ բերել, մանավանդ, որ ՀՅԴ-ի մեջ մարդիկ կան, որ նույնիսկ իրավունք էլ չունեն բերանը բացելու:

Այդ առումով եթե որոշում կայացնելու լինեն, սեղանի շուրջ պետք է նստած լինեն այն մարդիկ, որոնց ընտանիքները այստեղ են, որոնք մասնակցել են պատերազմին, որ ճիշտ որոշում կայացնենք, թե չէ «ուռա պատրիոտիզմը» մեզ հասցրել է չգիտեմ որտեղ:
Կոնկրետ Դավիթ Իշխանյանին նշանակելը մեր պետականության վրա ծիծաղել է նշանակում, որովհետև դա լուրջ չի»,-ընդգծեց Տիգրան Պետրոսյանը:

Պետրոսյանի դիտարկմամբ՝ պատերազմից հետո կոռուպցիան ու բեսբրեդելը ավելի է կոտրել Արցախի ժողովրդին։

«Դրա ամբողջ մեղավորությունը Արայիկ Հարությունյանի և որոշ պաշտոնյաների վրա է: Նրանք այնքան են իրականությունից կտրված, որ մինչև հիմա չեն գիտակցում՝ ինչո՞ւ ենք մենք պատերազմում կրվել:

Նույն նախկինները, ներկաները ինչ-որ խմբավորումներ են ստեղծել, տակից լիդերներ են խաղում, հարցեր են լուծում: Ամեն ինչը ջրի երես եմ հանելու: Ուղղակի դուք երկրորդական նշանակություն ունեք այս ճակատագրական պահին: Բայց մեր ձեռքերը ձեզ էլ է հասնելու:
Պատերազմից հետո միակ կառույցը, որ որոշակի ժողովրդական մանդատ ունի, դա մեր կառույցն է, որովհետև հավաքներ ենք արել, ստիպել, որ Արայիկ Հարությունյանն այս կառույցը սարքի: Չենք թողնելու ինչ-որ մեկը մեր ասածներն անտեսի, ականջները կտրելու ենք չոբանի շուն սարքենք։ Համակարգի մեջ որոշ առնետներ կան, որ խանգարում են, նրանց ականջներն էլ ենք կտրելու, չոբանի շուն սարքենք»,- շեշտեց Պետրոսյանը:

Մանրամասները՝ տեսանյութում։