02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Ռոստովի ու Բրյանսկի շրջաններում ԱԹՍ-ներ են ընկել
Քաղաքականություն
31.07.2023 | 11:46
ՌԴ Ռոստովի մարզի Նեկլինովսկիի շրջանում երեկոյան անօդաչու է ընկել։ Այս մասին հայտնել է նահանգապետ Վասիլի Գոլուբևը, գրում է Meduza-ն։
Հաղորդվում է, որ անօդաչուի պայթյունի հետևանքով այրվել են առանձնատուն և ավտոմեքենա։ Նեկլինովսկի շրջանի ղեկավար Վասիլի Դանիլենկոն հայտնել է, որ վիրավորներ և զոհեր չկան, վնասվել է տան տանիքը, ավտոմեքենան և կենցաղային շինություններ։ Հրդեհը մարելիս այրվածքներ է ստացել տեղի բնակիչներից մեկը։
Տեղական իշխնությունները հայտարարել են, որ փորձում են պարզում են անօդաչու թռչող սարքի պատկանելությունը։ Ռազմական տելեգրամյան ալիքներում էլ հնչում են ենթադրություններ, որ ընկած անօդաչուն կարող է լինել ռուսական Forpost-RU կամ Orion հետախուզական և հարվածային անօդաչու թռչող սարք։
Բացի այդ՝ հուլիսի 31-ի գիշերը Տրուբչևսկ քաղաքում ԱԹՍ-ն հարվածել է ոստիկանության շրջանային վարչության շենքին։ Այս մասին հայտնել է նահանագապետ Ալեքսանդր Բոգոմազը։ Նշվում է, որ շենքը վնասվել է, փշրվել են ապակիները։ Տուժածների մասին տեղեկություններ չեն հաղորդվում։
