25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Բելգիայում օդաչուների գործադուլի պատճառով չեղարկվել է մոտ 100 չվերթ
Քաղաքականություն
30.07.2023 | 11:47
Բելգիայի Բրյուսել-Շառլերուա օդանավակայանը հայտարարել է հուլիսի 29-ին և 30-ին Ryanair-ի 96 չվերթերի չեղարկման մասին. հաղորդում է ՌԻԱ Նովոստին։
«Բրյուսել-Շառլերուա օդանավակայանը տեղեկացնում է, որ բելգիական Ryanair-ի որոշ օդաչուների գործադուլը նախատեսված է 2023 թվականի հուլիսի 29-ին և 30-ին: Այս գործադուլը կարող է հանգեցնել Բրյուսել-Շառլերուա օդանավակայանից մեկնող չվերթների չեղարկմանը»,- ասվում է օդանավակայանի տարածած հաղորդագրության մեջ:
Օդաչուները պահանջում են բարձրացնել աշխատավարձերը, որոնք կրճատվել են կորոնավիրուսային համաճարակի սկսվելուց հետո, սակայն չեն բարձրացվել ճգնաժամի ավարտից հետո։ Բացի այդ, նրանք հույս ունեն, որ թռիչքների հաճախականությունը յուրքանչյուր օդաչուի համար կնվազեցվի։
Նշենք, որ հունիսի սկզբին Ryanair-ը ստիպված եղավ չեղարկել 400 չվերթ ամբողջ Եվրոպայում՝ Ֆրանսիայում ավիադիսպետչերների գործադուլների պատճառով։
